ab janaze pe aane se kya fayda اب جنازے پہ آنے سے کیا فائدہ

 ab janaze pe aane se kya fayda

اب جنازے پہ آنے سے کیا فائدہ

از قلم: عیان ریحانؔ 

جھوٹی دنیا سجانے سے کیا فائدہ 

جھوٹی خوشیاں منانے سے کیا فائدہ

صرف رونا مقدر ہو جس کے لکھا

اس کو جبراً ہنسانے سے کیا فائدہ

جس کی کشتی کنارے کبھی نہ لگے

اس کی کشتی بچانے سے کیا فائدہ

تم کو معلوم ہے دل یہ پتھر کا ہے

غم اسے پھر سنانے سے کیا فائدہ

kya fayda

دل میں جب کوئی خواہش ہی باقی نہیں

خواب آنے نہ آنے سے کیا فائدہ

جب ضرورت پہ لہجے میں گل ہی نہیں

بعد میت چڑھانے سے کیا فائدہ

جب پکارا تمہیں تم تو آ نہ سکے

اب جنازے پہ آنے سے کیا فائدہ

گر عداوت ہو تم کو جو ریحانؔ سے

مرثیہ پھر سنانے سے کیا فائدہ